Зарим hанамжанууд. Дүрбэлжэн мүрнүүд

Зарим hанамжанууд. Дүрбэлжэн мүрнүүд.

Соохор нюуртай эхэнэр ямар бэ?

Сэхэ харахадаш - сэлмэг шарайтай,

Сэдьхэл соохинь - сэгнэхэ шадалгүйш hаа,

Сүлөө сагтаа шүүмжэлхэ аргатайш.

Алдуу эндүүгүй хүнүүд байдаггүй,

Анхарал hайтай, hэргэмжэтэйшье hаа.

Хүсэжэ ядаад, хусахын орондо,

Хүсэ шадалаа арьбадхахаа оролдохо.

Зоболон зунгаанhаа - гээд хэлсэдэг.

Замай утада заншалаа hайжаруулха.

Зарим тодхортой үйлэ хэрэгүүдhээ

Заатагүй заяаша дальдаруулха.

Харгыда гаража хамшагаа арилгаха.

Хүдэлмэри хэжэ, хүлhөө гаргаха.

Эртэ бодожо, нюураа гэрэлдэ хараха.

Эг богоо гээжэ, элүүр мэндэ ябаха.

Урма баярай, уйдхар гашуудалай ,

Үргэн далайя гаталха хүсэлэнтэй

Уулзалга хахасалга хоёрые сэгнэжэ,

Урагшаа аалихан ябаха шадалтай.

Буряад хубсаhаа үмдэжэ hархайба.

Буряад дуунуудаа шагнажа налайба.

Бууса тоонтоёо hэргээжэ барбайба.

Баабай эжын хэлэн бурьялна гү теэд?